Shpresoj që Website t’ju mësoje dhe tregoje diçka rreth karakterit të shkollës sonë. Ne besojmë se edukimi është një përgjegjësi e përbashkët dhe suksesi i drejtimit të një shkolle varet nga bashkëveprimi i secilës prej palëve të përfshirë në funksionimin e saj: nxënësve, prindërve, dhe stafit. Secili prej nesh është i ndërgjegjshëm për detyrën e vet në mënyrë që ta transformojmë në mënyrë të vazhdueshme shkollën, në një vend ku të gjithë punojnë dhe përpiqen për të dhënë më të mirën, maksimumin.

Shkolla Migjeni ka një staf dinamik, inspirues dhe me një eksperiencë të suksesshme në fushën e arsimit. Cilësia e marrëdhënies ndërmjet nxënësve dhe mësuesve është e veçanta dhe çelësi i suksesit dhe mirëfunksionimit të shkollës. Kam gjithnjë kënaqësinë të mirëpres prindërit e nxënësve të shkollës por edhe prindër të interesuar që fëmijët e tyre të vazhdojnë studimet pranë shkollës sonë. Në këtë mënyrë mund t’ju jap përgjigje pyetjeve dhe shqetësimeve tuaja. Jeni, gjithashtu të mirëpritur të vizitoni shkollën dhe të bisedoni me mësuesit dhe nxënësit. Do jemi të kënaqur nga këto vizita.

Në punën tonë mësimore – edukative, ne synojmë:

• Identifikimin, transmetimin, mbështetjen dhe krijimin e vlerave që ndihmojnë zhvillimin e plotë të personalitetit të individit si qytetar i Shqipërisë dhe i botës, me dimensione atdhetare dhe globale, njerëzore dhe demokratike
• Mbajtjen parasysh të interesave të larmishme të nxënësve tanë, duke iu dhënë atyre mundësi të barabarta
• Orientimin e nxënësve drejt praktikës, për të krijuar aftësi dhe shprehi duke iu shmangur mësimit përmendësh, për të zhvilluar mendimin dhe veprimin e pavarur, kritik, krijues, konstruktiv dhe tolerant
• Përgatitjen e nxënësve në kuadrin e një shoqërie shumëkulturore, në një shkollë që synon të formësohet si qendër shumëplanëshe dhe që ofron shërbime cilësore, në bashkëpunim me palët e përfshira dhe në shërbim të tyre
• Gjetjen e përgjigjeve në situata reale, duke integruar në mënyrë harmonike dijet me situatat konkrete jetësore, për të aftësuar nxënësit në përballimin e jetës dhe tregun e punës
• Edukimin e punës së pavarur, të marrjes së përgjegjësive për detyra që lidhen me të nxënit dhe jetën e tyre, si individë dhe anëtarë të shoqërisë ku jetojnë
• Njohjen e prirjeve evropiane në fushën e unifikimit të standardeve shkollore
• Institucionalizim të bashkëpunimit me institucione vendore dhe rajonale e më gjerë

Në arritjen e synimeve tona, ne:

• Do të identifikojmë, do të transmetojmë, do të mbështetim dhe do të krijojmë ato vlera që ndihmojnë në zhvillimin e plotë të personalitetit të individit si qytetar i Shqipërisë dhe i botës.

• Do të jemi vazhdimisht të vëmendshëm ndaj botës dhe interesave të nxënësve dhe për t’i mbajtur ato parasysh në zhvillimin, zbatimin dhe reformimin e çdo politike tonën

• Do të krijojmë një klimë mbështetëse dhe etikë profesionale, duke trajtuar me kujdes dhe vëmendje secilin nxënës, me prirje apo nevoja të veçanta  

• Do të zgjedhim përmbajtjen e asaj që duhet të mësohet, si do të përcaktohet ajo që është e rëndësishme për nxënësin nga sasia aktuale e informacionit dhe si do të ndërtohen dhe do të

strukturohen njohuritë e marra.

• Do t’i drejtojmë nxënësit drejt qëndrimeve gjithnjë e më kritike ndaj njohurive të fituara dhe zhvillimit të aftësive për të zgjidhur problemet dhe situatat praktike.

• Do të punojmë për përvetësimin e disa gjuhëve të huaja dhe edukimin ndërkulturor për komunikim e bashkëjetesë paqësore dhe të suksesshme në një shoqëri gjithnjë e më të larmishme.

• Do të bazohemi në vizione bashkëkohore të njohurive, të aftësive, të shprehive dhe të qëndrimeve, të nevojshme për të lehtësuar punësimin dhe përparimin në nivele më të larta arsimi

• Do të ndjekim modelet kurrikulare, bazuar në kompetenca

• Do të përmirësojmë të nxënit, nëpërmjet :
• Infrastrukturës
• Burimeve të të nxënit
• Kompetencave profesionale të mësuesve tanë 
• Do të ofrojmë zgjidhje, duke marrë në konsideratë

1. Nevojat personale dhe stilin e të nxënit
2. Përvojat e mëparshme të nxënësve
3. Mundësitë dhe gatishmëritë e secilit prej tyre

• Do të mbështetemi në mësues të formuar profesionalisht dhe në kualifikim të vzhdueshëm, mësues drejtues dhe krijues të situatave të të nxënit, të përgjegjshëm për rolin e tyre akademik dhe njerëzor.

MOTOJA JONË

Bazuar në bindjen se çdo nxënës mund të jetë i suksesshëm, nëpërmjet një mësimdhënieje efektive nga mësues profesionistë,  të zhvillojmë aspektin  etik, intelektual, fizik, social dhe estetik të fëmijëve tanë, duke respektuar, duke mbrojtur dhe duke zhvilluar identitetin kombëtar dhe trashëgiminë kulturore në përmbushje të rolit të tyre si qytetarë të vendit dhe të botës. 

DIJA ËSHTË FUQI

Për herë të parë në Sistemin Arsimor, shkolla “MIGJENI” punon me standartet në të gjithë  komponentët e shkollës.

• Standartet e arritjeve, kualifikimin e mësuesve, standarte në  vleresim etj.
• Në   fushën e Mësimdhënies ne po përballemi me një prej sfidave që  përballën të gjithë sistemet     e përparuara  në  botë.

  MËSIMDHËNIA DHE SISTEMI I PUNËS KËRKON: 

• Te trasmetojë njohuritë shkencore të  tekstit dhe të burimeve të tjera të  informacionit, duke gjetur e zbatuar ekuivalent  didaktike më të përshtatshëm, për të  përvetësuar e intrpretuar saktë këto njohuri.
• Mësimdhënia dhe organizimi i orës së mësimit duhet të shërbejë si modeli, pika e referencës apo shkëndija e të nxënit. Pra modeli se si duhet  të mesoje nxënësi
• Mësimdhënia, organizimi dhe të gjithë komponentët e orës së mësimit duhet të ngjallin të nxënësit dashurinë, pasionin për diturinë e shkencën.
• Në fushën e nxënies po synohet aftësimi nxënësit për punën e pavarur e krijuese për kërkimin e gjetjen e informacionit nga ai vetë, për përpunimin e aplikimin e këtij informacioni.
• Në veprimtaritë jashtëkurrikulare, një mundësi më shumë për një edukim më të plotë shkencor, etik,